Әскери кафедра

• Химиялық қорғану бөлімшелерін, бөлім мен құрамаларды  қолдану;
• Отшашу және түтіндетуші бөлімшелерді, бөлім мен құрамаларды жауынгерлік қолдану;
• Радиациялық химиялық барлау және ядролық жарылысты белгілеу бөлімі мен құрамаларды жауынгерлік қолдану;
• Химиялық әскерлердің қару-жарағы мен және қорғаныс құралдарын жөндеу.
• Тәуелсіз мемлекеттің өз Ұлттық Қарулы Күштерін құрғалы әскери білімнің мемлекеттік  жүйесі бойынша құрылуы - маңызды мүдделерінің бірі. М.Әуезов атындағы ОҚМУ әскери кафедрасы осы жүйенің маңызды бір бөлігін  құрайды.
• 1997 жылы Қазақстан Республикасы Қарулы Күштер Бас штабы бастығының Директивасы бойынша «Жаяу әскердің ұрыс  машинасында  мотоатқыштар бөлімшелерін, бөлім мен құрамаларын жауынгерлік қолдану» жаңа әскери-есеп мамандығы мамандығы ашылды.

Қазақстан Республикасы бойынша тек қана М.Әуезов атындағы ОҚМУ әскери  кафедрасы  «радиациялық, химиялық және биологиялық қорғау бөлімдерінің командирі» мамандарын дайындайды.  ҚР  Қарулы Күштерінде РХБҚ әскери бөлімдері М.Әуезов атындағы ОҚМУ әскери кафедрасының түлектерімен толықтырылады.
1963-2013 ж.ж. аралығында әскери кафедра 13 000-нан астам  запастағы офицер кадрларын дайындап шығарған.  Бүгінгі күні әскери кафедрада 448 студент оқиды.
Жоғары дәрежелі әскери-педагогикалық профессорлық-оқытушылар құрамы мен материалдық-техникалық базасы ескеріле отырып, әскери дайындықты трансформациялау  бағдарламасына байланысты 2008-2009 ж.ж. әскери кафедрада«Командалық тактикалық сұйық отынмен қамтамасыздандыру» әскери-есеп мамандығы бойынша   кадрдағы офицерлерді дайындау ұйымдастырылды. 2011 жылдан бастап осы мамандық бойынша студенттерді әскери дайындықтан өткізу жалғасуда.

Кафедра химиялық зертханамен, радиациялық, химиялық және биологиялық барлау техникалық құралдарымен,  жеке құрамды,  қару жарақ пен әскери техниканы,  киім-кешекті,дезактивация, дегазация, дезинфекциялауға арналған арнайы өңдеу құралдарымен,  техникалық байқау және автокөлікті жөндеу пунктімен, ату және саптық алаңмен қамтамасыздандырылған.

Әскери кафедра офицерлері және оқу көмекші құрамымен «Химиялық қауіптілігі бар апаттарда қатты уландырғыш заттардың  зардаптары мен көлемдерін болжау», «Радиациялық жағдайды болжау және барлау әдісімен бағалау» (авторлары  запастағы подполковник Тазутдинов Ш.Н., запастағы  подполковник Шаймерденов Б.А.) компютерлік бағдарламалары, «Химиялық қарудың ұрыстық қасиеттері» (ЭЕМ-ға арналған бағдарлама – виртуалдық практикалық жұмысы)( авторлары – подполковник Кенжебаев Ж.А., әскери кафедраның лаборатория меңгерушісі Джазықбаева А.А.) жасалынды. Бағдарламалар Қазақстан Республикасы Әділет министрлігінің Зияткерлік меншік құқығы комитетінде тіркелген.

Радиациялық, химиялық және биологиялық қорғаныс бөлімшелері мен бөлімдерін қолдану

Мақсаты: ҚР Қарулы күштерінің  РХБ қорғау әскерлеріне Отанына адал берілген, жігерлі, тәртіпті, әскери және мемлекеттік құпияны сақтай алатын, жоғарғы білікті, өнегелі, запастағы офицерлерді дайындау.
ӘЕМ бағдарламасы бойынша дайындау нәтижесінде студенттер білуі қажет:

• қазіргі заманғы жалпыәскери ұрыстарда радиациялық, химиялық, биологиялық қорғауды ұйымдастырудағы РХБ әскерлерінің алар орнын, жалпыәскери ұрыс негіздерін және РХБ құралымдарының жалпы әскери ұрыстарда қолданылуын;
• радиациялық, химиялық, биологиялық қорғау құрылымдарының арналуын, ұйымдық құрылымын, мүмкіншіліктерін және РХБ қорғау құралымдарының ұрыс қимылдарының негізін;
• радиациялық, химиялық, биологиялық қорғауды, әскерлерді арнайы    өңдеуді және жергілікті жер учаскелерін, жолдарды, құрылыстарды  залалсыздандыруды;
• РХБ қорғау құралымдарының әр-түрлі ұрыс түрлеріндегі қимылдарына жан-жақты қамтамасыз етілуін және құралымдарды басқаруды ұйымдастыруды;

Істей алуы қажет:

• кез-келген ұрыс жағдайында взводты басқаруды;
• радиациялық, химиялық және биологиялық жағдай туралы  деректер мен ақпараттарды жинауды,өңдеуді, бағалауды;
• жұмыс картасын жүргізуді және соғысқа қажетті  құжаттарды құрастыруды;
• РХБ қорғау құрамдарының жоғары әскери дайындықта болуын қамтамасыз етуді;
• арнайы және арнайы тактикалық дайындық бойынша сабақ өткеруді.

От шашу және түтін шығару бөлімшелері мен бөлімдерін қолдану 

Мақсаты: ҚР Қарулы күштерінде Отанына адал берілген, жігерлі, тәртіпті, әскери және мемлекеттік құпияны сақтай алатын, жоғарғы білікті, өнегелі офицерлер дайындау, студенттерге Қазақстандық патриотизм сезімін қалыптастыру, Отанды қорғауға дайындын болуға, әскери парызын адал атқаруды, қарулы қүштер сапында қызмет етуді мақтаныш тұту және жауапкершілікпен қарауға баулу.
ӘЕМ бағдарламасы бойынша дайындау нәтижесінде студенттер білуі қажет :

• химиялық қамтамасыз етуді ұйымдастыруда РХБ қорғану әскерлерінің алар орны;
• ұрыстың негізгі түрлерінде радиациялық, химиялық қоғану құрылымдарымен, арнай өңдеу құрылымдарымен соғыс техникалары мен қару-жарақтарды, жол мен жер беткейлерін, киім-кешек пен жасақтарды арнайы өңдеуден өткеруді ұйымдастыруды және құрылымдардың мүмкіндіктерін;
• қол астындағы әскери құрылымдарды басқаруды ұйымдастыру,  және іс-әрекеттерінің орындалуын қамтамасыз ету;

Істей білу:

• химиялық  қорғану  взводын түрлі жағдайда басқаруды;
• химиялық және радиациялық жағдайды бағалауды;
• жұмыс картасын жүргізу және қажетті ұрыстық іс-қағаздарды құрастыруды;
• навигациялық құрал-жабдықтарды пайдалануды;
• взводпен арнайы тактикалық дайындық сабағын өткізу.

Радиациялық және химиялық барлау бөлімшелері мен бөлімдерін жауынгерлік қолдану (теңіз жағасына орналастырылғандардан басқасы)

Мақсаты: ҚР Қарулы күштерінің  РХБ қорғау әскерлеріне Отанына адал берілген, жігерлі, тәртіпті, әскери және мемлекеттік құпияны сақтай алатын, жоғарғы білікті, РХБ барлауды ұйымдастыруды және жүргізуді басқара білетін, запастағы офицерлерді дайындау.
ӘЕМ  бағдарламасы бойынша дайындау нәтижесінде студенттер білуі қажет:

• РХБ барлау құралымдарының арналуын, ұйымдық құрылымын, мүмкіншіліктерін және  ұрыс қимылдарының негізін;
• ядролық жарылыстарды белгілеп анықтауды;
• радиациялық, химиялық және биологиялық барлау жасауды (РХБ барлау) және қадағалауды;
• радиациялық, химиялық, биологиялық жағдай туралы деректер мен ақпараттарды жинауды, өңдеуді және зақымдану туралы хабардар етуді;
• РХБ барлау құралымдарының әр-түрлі ұрыс түрлеріндегі қимылдарының жан-жақты қамтамасыз етілуін және құралымдарды басқаруды ұйымдастыруды.

Істей білу:

• радиациялық,химиялық, биологиялық баулау взводын кез-келген жағдайда басқаруды;
• радиациялық, химиялық, биологиялық жағдайды бағалап лайықты шешім қабылдауды;
• жұмыс картасын жүргізуді және соғысқа қажетті құжаттарды құрастыруды;
• РХБ барлау құрамдарының жоғары әскери дайындықта болуын қамтамасыз етуді;
• арнайы және арнайы тактикалық дайындық бойынша сабақ өткеруді істей алуы қажет.

Радиациялық, химиялық және биологиялық қорғаныс қару-жарағы мен құралдарын, экологиялық бақылаудың техникалық құралдарын пайдалану және жөндеу

Мақсаты: Химиялық және радиациялық барлауда өз қол астындағыларын басқара білетін қазіргі замандағы әскерлерді химиялық қамтамасыз ететін, РХБҚ әскеріне запастағы офицерді дайындау.
ӘЕМ  бағдарламасы бойынша дайындау нәтижесінде студенттер  білуі қажет:

• радиациялық, химиялық, биологиялық қорғау құралдары мен қаружарақтарын пайдалануды  ұйымдастыру ережелерін;
• қаружарақ және радиациалық , химиялық, биологиялық қорғау жабдықтарын  пайдалану мен жөндеуді ұйымдастыру.

Істей білу:

• радиациялық, химиялық, биологиялық қорғау құралдары мен қаружарақтарын жөндеуді  ұйымдастыру ережелерін ;
• радиациялық, химиялық, биологиялық қорғау құралдары мен қаружарақтардың  жөндеуін іске асыру ;
• радиациялық, химиялық, биологиялық қорғау құралдары мен қаружарақтарды  жөндеу және пайдалану бойынша сабақ өткізу.

Жалпы әскери бөлімшелерді, бөлімдер мен құрамаларды жауынгерлік қолдану

Мақсаты: ҚР ҚК  қазіргі заманғы ұрысты ұйымдастыруды  және   жүруді     білуге қажетті білімді меңгерген, өз халқына, Отанына және Үкіметіне мінсіз берілген запастағы офицерлер дайындау.
ӘЕМ  бағдарламасы бойынша дайындау нәтижесінде студенттер білуі қажет:

• қазіргі заманғы жалпыәскери ұрыс негіздерін:
• мотоатқыштар және демеуші құрамдардың,    ұйымдық  құрылысын, ұрыстағы мүмкіншіліктерін;
• шетел армиясының, ұйымдық құрамын, қарулануын және іс-әрекет тактикаларын;
• ЖҚЖҚ қорғану негіздерін;
• әскерлерді жасырын басқарудың мәні мен мағынасын;
• тактикалық, тактикалық-саптық, нұсқау-әдістемелік сабақтарының әдістерін және ұйымдастыруды, ұрыстық атуды.

Істей білу:

• мотоатқыштар взводының, ротасының  ұрыс әрекеттерін ұйымдастыруды және оларды басқаруды;
• сеніп тапсырылған қару- жарақ пен ұрыс техникасының мүмкіншіліктерін тиімді пайдалануды;
• ұрысқа қажетті жауынгерлік, техникалық және тылдық қамтамасыз етуді ұйымдастыруды;
• роталық желідегі әртүрлі радиостанциялармен жұмыс істеуді;
• құрамдардың жоғары жауапкершілік дайындықта болуын қаматамасыз етуді;
• жеке құрамның жауынгерлік дайындығы  бойынша сабақ жүргізуді істей алуы қажет.

Зымыран отынымен және жанар майымен қамтамасыз етуді ұйымдастыру

Мақсаты: Қазақстан Республикасының Қарулы Күштеріне - Отанына адал берілген, моральді тұрақты, тәртіпті,  жанар – жағар май қызметінің бастығы қызметін абыроймен атқару үшін білімді, іскер, заманауи  әскери техникамен қару-жарақты жетік меңгерген, білікті офицер-лер дайындау.
ӘЕМ  бағдарламасы бойынша дайындау нәтижесінде студенттер білуі қажет:

• әскери бөлімнің жанар-жағар майлар материалдары қызметі бойынша ұйымдасты-рушылық құрылымы мен тапсырмасын, қызмет лауазымдарының  міндеттерін;
• жанар-жағар майлар материалдары қызметінің техникалары мен техникалық құрал-дарының техникалық құжаттарын, түрлерін, қызмет көрсету мен жөндеудің тәртібін;
• әскери бөлімнің жанарөжағар майлар материалдары қызметі бойынша есепке алу мен есеп беруді ұйымдастыруды;
• жанар-жағар майлар материалдары қызметінің жеке құрамының ұрыстық және арнайы дайындықтарын ұйымда-стыруды;
• жанар-жағар майларды, техника мен мүліктерді жаппай қырыпжою құралдарынан қорғауды ұйымдастыруды.

Істей білу:

• әскери бөлімнің жанар-жағар майлар материалдары қызметінің жұмыстарын және де оның жауынгерлік, жұмылдыру дайындығын ұйымдастыруды;
• қол астындағылармен жауынгерлік, арнайы дайындықты ұйымдастыру,  өзі сабақ жүргізу және де құқықтық, жеке тәрбиелік және мәдени жұмыстарды жүзеге асыруды;
• техника мен қару-жарақты ұрысқа дайын жағ-дайда ұстауды ұйымдастыру және қамтамасыз ету, тылдық  бөлімшелердің  қарамағындағы  жанар-жағар майлар материалдары қызметінің техникалық құрал-жабдықтарына уақытында және сапалы түрде техника-лық қызмет көрсету;
• стационарлық және далалық жағдайларда жанармай қызметінің техникасы мен мүлігін дұрыс сақтауды ұйымдастыру, қоймада жанармайдың қорын уақытылы жаңартып отыру;
• жанармайдың, қызметтегі техника мен мүлікті дер кезінде және дұрыс есепке алып отыру және олардың заңды түрде жұмсалуын қамтамасыз етуді істей алуы қажет.

Идеологиялық жұмысты ұйымдастыру

Мақсаты:  Қазақстан Республикасы Қарулы Күштері үшін  өз Отанына, халқына және Қазақстан Республикасының Президенті – Қарулы Күштерінің Бас қолбасшысына шексіз берілген, ұрысты ұйымдастыру мен жүргізуге қажетті білімі бар,  бөлімшелерде тәрбие және идеологиялық жұмысты жүргізу мен ұйымдастыру әдістері мен түрлерін игерген, күнделікті іс-қимылында әскери қызметшілер мен олардың жанұя мүшелерін әлеуметтік-құқықтық қорғауын қамтамасыз ете алатын запастағы офицерлерді дайындау.
Білуге тиісті:

• Қазақстан Республикасы Конституциясының жалпы ережелерін;
• Қазақстан Республикасы Қарулы Күштері мен басқа да әскерлері мен әскери құралымдарында әскери қызметті атқару тәртібін реттейтін әскери заңнамалары негіздерін;
• Негізгі тактикалық түсініктер, терминдер мен анықтамаларды;
• Қазақстан Республикасы Қарулы Күштерінің құрылу тарихын, жүйесін, тапсырмалары мен дамуын, Қарулы Күштер түрлері мен әскерлер тектерінің рөлі мен арналуын;
• Заманауи соғыстың  сипаттамасын,  қарулы қақтығыстарда қолданылатын құралдарды;
• Жаппай жою қаруының залал келтіретін факторлары мен олардан қорғану тәсілдерін;
• Инженерлік құралдар тәртібі мен позицияларды бүркемелеу жолдарын;
• Ұрыс барысындағы сарбаздың орны мен міндеттерін, қорғаныстағы және шабуылдағы сарбаздың іс-әрекет тәртібін, бақылау жүргізу арқылы түрлі нысананың бүркемесін ашу жолдарын;
• Бөлімшенің жауынгерлік және жұмылдыру даярлығының жалпы ережелерін;
• Мотоатқыштар взводының қару-жарағына жататын қол гранаталарының, қол граната атқыштың, атыс қаруларының жалпы құрылымы мен тактикалық-техникалық сипаттамасын, арналуын;
• Қазақстан Республикасы Қарулы Күштерінің, басқа да әскерлері мен әскери құралымдарының Жалпыәскери Жарғыларының талаптары мен негізгі ережелерін, заңнамалық негізін;
• Саптық тәсілдерді мен қозғалыстарды  қарумен  және  қарусыз   жеке орындау талаптарын;
• Әскери сәлемдесуді орнында және қозғалыста, сапта және саптан тыс орындау тәртібін.

Құрлық әскерлеріндегі тәрбие және идеологиялық жұмысты ұйымдастыру

Мақсаты: Қазақстан Республикасы Қарулы Күштері үшін  өз Отанына, халқына және Қазақстан Республикасының Президенті – Қарулы Күштерінің Бас қолбасшысына шексіз берілген, ұрысты ұйымдастыру мен жүргізуге қажетті білімі бар,  бөлімшелерде тәрбие және идеологиялық жұмысты жүргізу мен ұйымдастыру әдістері мен түрлерін игерген, күнделікті іс-қимылында әскери қызметшілер мен олардың жанұя мүшелерін әлеуметтік-құқықтық қорғауын қамтамасыз ете алатын запастағы офицерлерді дайындау.
Білуге тиісті:

• Қазақстан Республикасы Конституциясының жалпы ережелерін;
• Қазақстан Республикасы Қарулы Күштері мен басқа да әскерлері мен әскери құралымдарында әскери қызметті атқару тәртібін реттейтін әскери заңнамалары негіздерін;
• Негізгі тактикалық түсініктер, терминдер мен анықтамаларды;
• Қазақстан Республикасы Қарулы Күштерінің құрылу тарихын, жүйесін, тапсырмалары мен дамуын, Қарулы Күштер түрлері мен әскерлер тектерінің рөлі мен арналуын;
• Заманауи соғыстың  сипаттамасын,  қарулы қақтығыстарда қолданылатын құралдарды;
• Жаппай жою қаруының залал келтіретін факторлары мен олардан қорғану тәсілдерін;
• Инженерлік құралдар тәртібі мен позицияларды бүркемелеу жолдарын;
• Ұрыс барысындағы сарбаздың орны мен міндеттерін, қорғаныстағы және шабуылдағы сарбаздың іс-әрекет тәртібін, бақылау жүргізу арқылы түрлі нысананың бүркемесін ашу жолдарын;
• Бөлімшенің жауынгерлік және жұмылдыру даярлығының жалпы ережелерін;
• Мотоатқыштар взводының қару-жарағына жататын қол гранаталарының, қол граната атқыштың, атыс қаруларының жалпы құрылымы мен тактикалық-техникалық сипаттамасын, арналуын;
• Қазақстан Республикасы Қарулы Күштерінің, басқа да әскерлері мен әскери құралымдарының Жалпыәскери Жарғыларының талаптары мен негізгі ережелерін, заңнамалық негізін;
• Саптық тәсілдерді мен қозғалыстарды  қарумен  және  қарусыз   жеке орындау талаптарын;
• Әскери сәлемдесуді орнында және қозғалыста, сапта және саптан тыс орындау тәртібін.

Психологиялық  жұмысты ұйымдастыру

Мақсаты: «Қазақстан Республикасы Қарулы Күштерінің психологиялық жұмыстарын ұйымдастыру» мамандығы бойынша баклавр білімін алған түлек Қарулы Күштерде офицер-психологтың бастапқы лауазымын тағайындалуға арналған.
Әскери бөлімнің (мекеменің) психологы әскери бөлімдегі (мекемедегі) психологиялық жұмысты ұйымдастыруға және жай-күйіне, әскери қызметшілердің (азаматтық персоналдың) психологиялық жай-күйіне, әскери қызметшілердің (азаматтық персоналдың) психологиялық төзімділігін ұстау және психологиялық денсаулығын сақтау жөніндегі жұмыстың пәрменділігіне жауап береді. Ол әскери бөлім командирінің (мекеме бастығының) тәрбие және әлеуметтік-құқықтық жұмыстар жөніндегі орынбасарына, ал арнайы мәселелер бойынша – жоғарғы басқару органының психологына бағынады.
Білуге тиісті:

• әскери қызметшілердің (азаматтық персоналдың) жеке психологиялық ерекшеліктерін, әскери ұжымдардағы әлеуметтік-психологиялық үдерістерді зерделеу және оларды дамытуды болжау; әскери қызметшілердің (азаматтық персоналдың) мінез-құлық ерекшеліктерін сипаттайтын тұлғаның басым қасиеттері мен тән қасиеттерін айқындау;
• әскери орта жағдайларының әскери қызметшілердің (азаматтық персоналдың) психикасына және әскери ұжымдардағы әлеуметтік үдерістер ағымының ерекшеліктеріне әсер етуін зерделеу;
• әскери қызметшілердің (азаматтық персоналдың) мінез-құлық ерекшеліктерін сипаттайтын жеке тұлғаның басым қасиеттері мен қасиеттерін айқындауға бағытталған психодиагностикалық іс-шараларды жүргізу;
• ұлттық мәдени дәстүрлерді ескере отырып, әскери қызметшілердің (азаматтық персоналдың) психологиялық ерекшеліктерін зерделеу;
• барлық санаттардағы әскери қызметшілердің, сондай-ақ азаматтық персоналдың психологиялық сипаттамаларын жасау;
• әскери қызметшілерде (азаматтық персоналда) тұлғалық бұзушылықтар мен интеллектісінің бұзылу белгілерін  анықтау;
• психикалық салада анықталған бұзушылықтардың психологиялық тұрғыдан оңалту іс-шараларын ұйымдастыру және өткізу;
• жеке-психологиялық ерекшеліктерін ескере отырып, әскери мамандықтар бойынша бөлу;қызметшілерді (азаматтық персоналды) кәсіби-психологиялық іріктеу және оларды
• әртүрлі санаттардағы әскери қызметшілердің (азаматтық персоналдың) мүдделері мен қажеттіліктерін және әскери ұжымдарды дамыту ерекшеліктерін зерттеу;
• ұжымдық ахуалдың, пікірлердің, мақсаттардың, әдеттердің, дәстүрлердің қалыптасу мен даму қарқынының жағдайларын зерттеу және әскери ұжымдарда жағымды әлеуметтік-психологиялық атмосфераны жасау мүдделерінде көрсетілген құбылыстарды басқару әдістерін әзірлеу;
• қоғамдық сана-сезімге ықпал ететін құралдар мен әдістерді зерделеу (соның ішінде үгіт, мәдени-бос уақыт жұмыстарының құралдары, бұқаралық ақпарат құралдары);
• әскери ортаның әр түрлі жағдайларында жеке тұлғаның даму проблемаларын зерттеу;
• әскери қызметшілердің (азаматтық персоналдың) теріс мінез-құлық үрдісі қалыптасуының, дамуының және көріністерінің тетіктерін зерделеу;
• психологиялық заңдылықтарды және әскери тәртіпті нығайту жағдайларын ашу, оны бұзудың алдын алу тәсілдерін айқындау;
• әскери қызметшілердің тұрмыс жағдайларын, қызмет мазмұнындағы өзгерістерін, ұлтаралық, тұлғааралық және отбасылық қатынастарын, құндылық бағдарларын, себептері мен ынталарын, әлеуметтік әділдікті және басқа да теріс әлеуметтік көріністерді бекіту проблемаларын зерделеу;
• әскери қызметшілерді (азаматтық персоналды) қазіргі заманғы ұрыс жағдайларындағы іс-қимылдарға психологиялық даярлау жетістігінің заңдылықтарын айқындау;
• оқу-жаттығу және жауынгерлік қызмет ерекшелігі факторларының әсер ету салдарларын айқындау;
• адамның әр түрлі жағдайларда болудағы психофизиологиялық мүмкіндіктерін айқындау;
• оқу-жаттығу және жауынгерлік қызметтің шұғыл жағдайларындағы іс-қимылдар кезінде әскери қызметшілер мен ұжымдар үшін оңтайлы нормативтерді белгілеу;
• әскери қызметшілердің (азаматтық персоналдың) жоғары жауынгерлік әзірлігін ұзақ сақтауға кедергі жасайтын психологиялық, психофизикалық және психофизиологиялық сипаттағы себептерді анықтау;
• әскери қызметшілерге (олардың отбасы мүшелеріне), азаматтық персоналға психологиялық ағартуды ұйымдастыру және психологиялық көмек көрсету;
• әскери қызметшілерде (азаматтық персоналда) оқу-жаттығу және жауынгерлік қызметтің әр түрлі жағдайларында қойылған міндеттерді орындау үшін қажетті психологиялық маңызды қасиеттерді қалыптастыру және дамыту;
• тұлғаны және интеллектінің дамуындағы бұзушылықтардың уақтылы алдын алу;
• тұлғалық бейімсіздену және психикалық бұылудың туындауының алғышарттарын болдырмауға бағытталған алдын алу іс-шараларын ұйымдастыру және өткізу;
• әскери қызметшілер мен бөлімшелердің қойылған міндеттерді орындау сапасы мен нәтижелілігін жақсартуға бағытталған психикалық тұрғыдан оңалту іс-шаралары;
• жауынгерлік және жұмылдыру әзірлігін, жауынгерлік кезекшілікті, қарауылдық және ішкі қызметті қамтамасыз ету жөніндегі психологиялық жұмыс іс-шараларын ұйымдастыру;
• әскери ұжымдарда салауатты моральдық-психологиялық ахуалды қалыптастыру жөніндегі ұсынымдарды әзірлеу.

1963 жылдан бастап әскери кафедраның 50 жылдан астам тарихы бар. Осы жылдарда запастағы офицерлерді  дайындау бойынша көптеген жұмыстар атқарылды, жастарға әскери-патриоттық тәрбие беру дәстүрі дамыды.

Әскери кафедра студенттері Қарағанды қаласының «Спасск» оқу орталығында өткен II Республикалық әскери-патриоттық «Айбын» жиынына қатысты.Біздің студенттерден құралған топ командалық есепте жетінші орынды,  «Менің роботым» байқауында үшінші орынды және «Айбын жұлдызы» кинопремиясында екінші орынды иеленді.

2016 жылдың 8 қарашасында М.Әуезов атындағы ОҚМУ әскери кафедрасының оқу материалдық-техникалық базасымен танысу мақсатында Шымкент гарнизонының бастығы полковник С.С. Баирбеков келді.

2016 жылдың 16 қарашасы мен 16 желтоқсан аралығында М.Әуезов атындағы ОҚМУ  әскери кафедрасында Қазақстан Республикасы Тәуелсіздігінің 25 жылдық мерей-тойына  арналған акцияның   «Тәуелсіздік тұғырына 25 жыл» атты конференция 18 қараша күні ұйымдастырылды. Конфренцияға әскери кафедра бастығы подполковник Кенжебаев Жакып Амангельдиевич, Тәжік-ауған шекарасындағы қақтығыстың қатысушысы, қоғамдық жұмыстардың белсенді мүшесі Нұрлан Қадыр, М.Әуезов атындағы ОҚМУ  жанындағы «Жас Отан» Жастар Қанатының төрағасы Төлебай Бекзат Октябрьұлы және әскери кафедра профессорлық- оқытушылар құрамы мен студентер қатысты.

2016 жылдың 14 желтоқсанында М.Әуезов атындағы ОҚМУ да Қазақстан Республикасы Тәуелсіздігінің  25 жылдығына орай үлкен іс-шара өткізілді. Іс-шарада М.Әуезов атындағы ОҚМУ бірінші проректоры Ж.Айменов және әскери кафедра бастығы подполковник Ж.Кенжебаев «Қазақстан Республикасының Тәуелсіздігіне 25 жыл» мерекелік медалімен марапатталды.

2016 жылдың 15 желтоқсанында Қазақстан Республикасы Тәуелсіздігінің 25 жылдығына орай әскери кафедрада іс шара ұйымдастырылып,  әскери кафедра қызметкерлерін және әскери кафедраның үздік  студенттерін  ОҚМУ әскери кафедра бастығы подполковник Кенжебаев Жақып Амангельдиевич арнайы алғыс хаттармен марапаттады.

Қазақстан РеспубликасыТәуелсіздігінің 25 жылдығына орай М.Әуезов атындағы ОҚМУ әскери кафедра студенттері Қазақстан Республикасының азаматтарын құттықтап арнайы флешмоб ұйымдастырды.

2016 жылдың 7 желтоқсан күні әскери кафедра студенттері Абай атындағы Шымкент қалалық Орталық кітапхана қызметкерлері ұйымдастырған Қазақстан Республикасы Тәуелсіздігінің  25 жылдығына арналған кітаптар көрмесіне қатысты.

Желтоқсанның 5 мен 9 аралығында әскери кафедра кітапханасында «Тәуелсіздік тұғырына 25 жыл» атты кітаптар көрмесі өткізілді. Студенттер Қазақстан Республикасының президенті – Ұлт Көшбасшысы Н.Назарбаевтың,  1986 жылғы желтоқсан оқиғасы және Тәуелсіз Қазақстанның тарихы туралы жаңа кітаптармен танысты.

Биылғы жыл, яғни 2017 жылы 15 ақпанда  Кеңес  әскерлерінің Ауғанстан жерінен шығарылғанына 28 жыл толуына байланысты 14 ақпанда  М.Әуезов атындағы ОҚМУ әскери кафедрасында «Ерлікке тағзым» атты тематикалық кеш өтті.Кештің мақсаты студенттердің бойындағы патриоттық сезімін жоғарылату, Отанына деген намысшылдығын, сүйіспеншілігін арттыру. Отан қорғаушы ретінде азаматтық және адамгершілік қабілетін жоғары ұстауға тәрбиелеу. Қазақстан Республикасы Қарулы Күштері қатарына әскери борышын атқаруға міндетті екендігін сезіндіру.
Әскери кафедраның бастығы подполковник Кенжебаев Жақып Амангелдіұлы баяндама жасап, іс-шараны ашып берді.
Кештің қонақтары Оңтүстік Қазақстан облыстық Ауғанстандағы соғыс ардагерлері қауымдастығының мүшелері, Ауған соғысының ардагерлері Әскери кафедраға еңбегі сіңген, 2 мәрте Қызыл жұлдыз Орденінің иегері, Ауған соғысының ардагері отставкадағы полковник Ибрагимов А.Т, Оңтүстік Қазақстан облыстық Ауғанстандағы соғыс ардагерлерінің  қауымдастығының төрағасы Рысбеков С.Е, қауымдастық мүшелері Березовский Ю.Ю, Оспанов Қ.С, әскери кафедраның оқытушысы Ауған соғысының ардагері  запастағы подполковник Раимбердиев К.Т, әскери кафедраның қызметкері Ауған соғысының ардагері Нуруллаев Х.А  және әскери кафедра офицерлері мен студенттері қатысып, ардагерлерге сый құрмет қөрсетілді.

2017 жылдың 4 мамырында әскери кафедра студенттері Абай атындағы орталық кітапхананың ұйымдастыруымен Абай саябағындағы Даңқ мемориалында өткізген   «Есімізде отты жылдар  елестері» атты іс-шараға қатысты.

2017 жылдың 5 мамырында  М.Әуезов атындағы ОҚМУ басшылығы ұйымдастырған 7-мамыр Отан Қорғаушылар күніне, Қазақстан Республикасының Қарулы Күштерінің  құрылғанына 25 жыл  толуына орай  және  Жеңіс күніне арналған салтанатты жиналыс өтті. Жиналыста әскери кафедра бастығы подполковник Кенжебаев Жақып Амангельдиевич баяндама оқыды және  ЖОО бірінші проректоры  Айменов Ж.Т. ардагерлерді, офицерлерді және студенттерді құттықтап, бірқатар қызметкерлерге Қорғаныс министрлігі атынан медальдар, облыстық әкімшілік атынан алғыс хаттар мен ЖОО атынан мақтау қағаздар тапсырды.

2017 жылдың 7 мамырында Шымкент қаласының орталық саябағында облыстық әкімшіліктің ұйымдастыруымен өткізілген Жеңіс күні мен Отан қорғаушылар күніне арналған іс-шарада әскери кафедра бастығы подполковник Кенжебаев Жақып Амангельдиевич  «Облысқа сіңірген еңбегі үшін» медалімен марапатталды.

Далалық оқу жиыны барысында курсанттар «Ақтас» оқу жаттығу алаңында атыс дайындығы нормативтерін орындап өздерінің біліктіліктерін көрсетті.

2017 жылдың маусым айында әскери кафедра курсанттары «Дарбаза» оқу жаттығу полигонында теориялық білімдерін практикалық түрде орындап жауынгерлік дайындықтарын шыңдады.

28.06.2017ж. Шымкент қаласы, Әль-фараби алаңында М.Әуезов атындағы ОҚМУ бітіруші түлектерге диплом табыстау рәсімі өтті және әскери кафедра курсанттарының далалық оқу жиынының аяқталуы туралы Оңтүстік Қазақстан облысы әкімі Түймебаев Жансейіт Қансейітұлына баяндалды. Өз кезегінде облыс әкімі бітіруші түлектер мен курсанттарға құттықтауын жеткізді.

29.06.2017 ж. Әскери кафедра бітіруші курсанттарының далалық оқу жиынын аяқталуын қорытындылап, білім деңгейін жоғары дәрежеде көрсеткен курсанттарды марапаттау рәсімі өткізілді.Әскери кафедра бастығы подполковник Кенжебаев Жақып Амангельдиевич болашақ офицерлерге құттықтау тілегін білдірді.

2017 жылдың 27 қыркүйегінде М.Әуезов атындағы ОҚМУ әскери кафедрасында «Хабар» телеарнасының «Айбын» әскери патриоттық бағдарламасының жүргізушісі мен түсірілім тобы қонақта болып, телеарнаның арнайы тапсырысы бойынша әскери кафедраның материалдық – техникалық базасы мен бір күндік оқу үдерісіне түсірілім жасады.

11.12.2017 жылы Қазақстан Республикасының Тәуелсіздік күніне орай, М.Әуезов атындағы  ОҚМУ әскери кафедрасында  «Жас түлек» әскери - патриоттық клубы ашылды. Әскери – патриоттық клубтың міндеттері әскери кафедра негізінде студенттерді Отан алдындағы әскери міндеттерге, әскери – патриоттық жұмыстарға, әскери қызметке, дене даярлығына дайындау. Ашылу рәсіміне М.Әуезов атындағы ОҚМУ-дың бірінші проректоры ,т.ғ.д., профессор  Айменов Ж.Т. қатысып «Жас түлек» әскери – патриоттық клубына құттықтау тілегін білдірді. Салтанатты жиында әскери кафедра бастығы подполковник Кенжебаев Жақып Амангельдиевич үздік оқитын студенттерді грамотамен награттады.

2018 жылдың 14 ақпанында М.Әуезов атындағы ОҚМУ әскери кафедрасында Кеңес әскерлерінің Ауған Демократиялық Республикасынан шығарылуына арналған тематикалық кеш өткізілді. Іс-шарада әскери кафедра бастығы полковник Ж.Кенжебаев интернационалист-жауынгерлерді мереке күнімен құттықтап, М.Әуезов атындағы ОҚМУ ректорының алғыс хатын табыс етті. Кафедрада Ауғанстанда әскери борышын өтеген жауынгерлер қызмет етеді, олар: запастағы подполковник Раимбердиев К.Т., ЖӘҰМ жүргізуші өндірістік оқу шебері Нуруллаев Х.А.

2018 жылдың 26 сәуірінде М.Әуезов атындағы ОҚМУ әскери кафедрасында жастарға әскери-патриоттық тәрбие беру және жеке тұлғаның бойында әлеуметтік - белсенді азамат және патриот қалыптастыру  мақсатында «Ашық есік күні» өткізілді, іс-шараға М.Әуезов атындағы ОҚМУ  стратегиялық даму жөніндегі проректоры Айменов Ж.Т., және Шымкент қалалық Қорғаныс істері жөніндегі басқарма бастығы полковник Шегебаев А.К., C.Рақымов атындағы Республикалық «Жасұлан» мектебінің бастығы полковник Тулеушев Ғ.А. қатысты.

Бұл шарада 2500 студентке БАҚ-тың («Қазақстан», «Отырар» телеарнасы және «Қазақстан» телеарнасы студиясы) қатысуымен оқу-материалдық базаны, атыс қаруы мен оқ-дәрілерді, автомобильді және брондалған техника көрсету ұйымдастырылды, сондай-ақ әскери кафедраның «Жас Түлек» әскери патриоттық клубы қоян қолтық шайқас өнерінің  әуесқойлық қойылымын көрсетті.

2018 жылы  9 маусымында М.Әуезов атындағы ОҚМУ әскери кафедрасында курсанттардың әскери ант қабылдауларына арналған салтанатты ісшара өткізілді.  Салтанатты жиында университеттің 502 студенті Отанына, оның заңды түрде сайланған Президентіне  және халқына адал қызмет етуге ант қабылдады. Ісшараға М.Әуезов атындағы ОҚМУ оқу және оқу-әдістемелік жұмысы жөніндегі проректоры  Байболов Қ.С., әлеуметтік және тәрбие жұмысы жөніндегі проректоры Бейсенбаев С.К. арнайы келіп, студенттерге өздерінің тілектерін білдірді.

Қорғаныс Министрінің бірінші орынбасары-Қазақстан Республикасы Қарулы Күштері Бас штабы бастығының 2018 жылғы 27 сәуірдегі «2018 жылы Қазақстан Республикасының жоғары оқу орындары жанындағы әскери кафедралары студенттерінің оқу-жаттығу жиындарын (кәсіби практикасын) өткізу туралы» №198 бұйрығына сәйкес 2018 жылдың 25 мамыры  мен 30 маусымы аралығында  35748 әскери бөлімінің оқу материалдық базасын қолдана отырып студенттердің оқу-жаттығу жиыны (кәсіби практика) М.Әуезов атындағы ОҚМУ әскери кафедрасының базасында өткізілді. Барлық әскери есеп мамандықтары бойынша оқу жиынының бағдарламасы толық орындалды. 2018 жылдың 6-7 маусымында 6506 әскери бөлімінің атыс алаңында 35748 әскери бөлімінің ұйымдастыруымен АК-74 және ПМ қаруларынан ату жаттығулары орындалды. 2018 жылдың 9 маусымында студенттер әскери кафедра базасында салтанатты түрде әскери ант қабылдады. Оқу жиыны соңында өздерін үздік көрсеткен курсанттарға мақтау грамоталары беріліп, ата-аналарына алғыс хат жіберілді.

2018 жылдың 12 қазанында әскери кафедрада 2018 жылдың 5 қазанындағы мемлекет басшысы Н.Ә.Назарбаевтың Қазақстан халқына жолдауы бойынша жеке құрам арасында түсіндірме жұмыстарына, Қазақстан Республикасы Қорғаныс министрінің әскери қызметшілерге үндеуі және университеттің 2018-2019 жылға стратегиялық жоспарын жүзеге асыру аясындағы міндеттерін жеткізуге арналған ісшара өткізілді.

М.Әуезов атыедағы Оңтүстік Қазақстан мемлекеттік университетін әскери кафедра студенттері 75 жылдық мерей тойымен құттықтайды!

Үшінші дәрежелі «Айбын» орденінің иегері, «6-БЕКЕТ» көркем суретті фильмі бас кейіпкері аға лейтенант Ербол Отарбаевтың қатысуымен М.Әуезов атындағы Оңтүстік Қазақстан мемлекеттік университетінің әскери кафедрасында Қазақстан Республикасы Ұлттық Ұланы 6698 әскери бөлімінің әскери қызметкерлері және әскери кафедраның «Жас түлек» әскери патриоттық клубының мүшелері қатысуымен «Ерлік» сабағы ұйымдастырылды.

М.Әуезов атындағы Оңтүстік Қазақстан мемлекеттік университетінің әскери кафедра бастығы полковник Ж.Кенжебаевтың бастамасымен  университеттің 75 жылдық мерейтойы қарсаңында  21 қараша күні әскери кафедрада «Жасыл Ел» көгалдандыру акциясы ұйымдастырылып жеке құрамымен   әскери  кафедра   аймағына  75 түп ағаш егілді.